Wat si konkret Moossnamen, déi op ënnerschiddlechen Niveauen ëmgesat kënne ginn?
Als Gemeng sollt Dir e.a.:
– de Projet „Natur genéissen“ ënnerstëtzen, deen d‘Direktvermaartung tëscht Kiche vu Maison relais mat landwirtschaftleche Betriber, déi bestëmmten Naturschutzkrittären op hire Flächen erfëllen, fërdert. D’Maison relais vun dëse Gemenge befollegen hirersäits beim Akaf vu Liewensmëttel e Cahier de charges mat Virgaben zum Undeel vun Natur genéissen-, Bio-, Regional-Produiten a.v.m. Méi Infoen hei: www.projekte.oekozenter.lu/projets/natur-geneissen/
– Är landwirtschaftlech Terrainen esou verpachten, datt op Dünger a Pestizide verzicht muss ginn a pro Joer eng Sträif net geméint oder als Akerbrooch leie bleift.
Als Bewirtschafter:in vu landwirtschaftleche Fläche kënnt Dir e.a.:
– Är Fläche biologesch oder naturverträglech extensiv notzen, eng villsäiteg Fruchtfolleg virgesinn, Brooch-, Bléi- oder Akerrandsträifen uleeën. All dës Moossname kënnen duerch Ökoreegelungen oder Biodiversitéitsprogrammer finanziell gefërdert ginn.
– éiert Hee oder Silo gemaach gëtt, grad wéi et beim Réikitz gemaach gëtt, d’Fläch ofgoen oder mat enger Dron kontrolléieren ob sech keng jonk Huesen am héije Gras verstoppen. Grouss Schléi ëmmer vu Bannen no Bausse méinen, esou datt déi jonk Huesen als Nestflüchter eng Chance hu fortzekommen.
Als Jeeër:in kënnt Dir e.a.:
– keng Huese schéissen, och net wann se am Bësch lafen. Et ass méi wichteg de Bestand vum Schuelewëld ze reduzéieren.
Als Bierger:in kënnt Dir e.a.:
– Iech bei Ärer Gemeng derfir asetzen, datt Gemengenterrainen an der Gewan naturvertréiglech bewirtschaft a Broochen oder ongesprëtzten Akerrandsträifen ugeluegt ginn. Et ass wichteg, datt Awunner:inne vun enger Gemeng weisen, datt si hannert esou Projete stinn an dës Erwaardungen och un hir Gemeng weiderginn.
– duerch Äre perséinleche Konsum déi biologesch an naturno Landwirtschaft aus dem Land ënnerstëtzen. Mam Kaf vu Bio-Miel ënnerstëtzt een z.B. dem Hues säi kraiderräichen Aker-Liewensraum.
– Beim Spadséiere goen den Hond an d’Léngt huele fir ze vermeiden, datt déi jonk Huesen (an aner wëll Déieren wéi Léiercher) net onnéideg an hirem Liewensraum gestéiert ginn.
– Iech duerch Ärt Walverhale fir eng naturvertréiglech EU-Agrarpolitik asetzen, sou datt et sech fir d’Baueren nees lount naturvertréiglech ze wirtschaften.
Als Landwirtschaftsministère sollt Dir e.a.:
– landwirtschaftlech Betriber, déi déi genannte Strukturelementer scho méi wéi 10 Joer fräiwëlleg erhalen, aktiv belounen! Fir all Betriber soll d’Ausbezuele vun de landwirtschaftleche Primmen un d’Erhale, Schafen oder Neiplanze vun 3 % Strukturelementer op hire landwirtschaftleche Fläche gekoppelt sinn. Dës Reegelung sollt net als Plooschter bei all Kris ausser Kraaft gesat ginn.
– de Projet «Natur genéissen» als Paradebeispill fir d’Kombinatioun vun enger viabler Produktioun a Kombinatioun mat effikassem Naturschutz ënnerstëtzen;
– d’biologesch Landwirtschaft nach vill méi fërderen, an z.B. derfir suergen, datt et an all ëffentlecher Kantin biologesch Liewensmëttel aus Lëtzebuerg gëtt.
Als Ëmwelt- a Biodiversitéitsministère sollt Dir e.a.:
– de nationalen Naturschutzplang (PNPN3) vill méi konsequent ëmsetzen. Dëse leet kloer Ziler fir de Naturschutz am Oppeland fest, déi bis 2030 mussen erreecht ginn an hëlleft e.a. de Liewensraum vum Hues ze schützen. Leider hapert et am Moment nach un der Vitesse vun der Ëmsetzung. Hei missten d’Naturschutzakteuren um Terrain nach méi geziilt bei der Ëmsetzung vu Moossnamen ënnerstëtzt ginn.
– Zousätzlech mussen awer och zesumme mam Landwirtschaftsministère Mesuren getraff ginn, déi Naturschutz op landwirtschaftleche Fläche fërderen (z.B wéi uewe genannt).
– D’Juegd op den Hues verbidden;
– E wëssenschaftleche Monitoring ëmsetzen, datt d’Entwécklung vun der Huesepopulatioun richteg dokumentéiert gëtt;
– Keng weider Zerschneidung vun der Landschaft méi zouloossen.
Mat den Temperaturen am Februar, déi an d’Luucht ginn, kënnt den Hues a Fréijoersstëmmung. Déi Fréijoersgefiller dreiwen déi soss éischter nuetsaktiv Déieren am Dag op d‘Gewan… sou sinn d’Chancen an de kommende Woche grouss fir mol een z’erblécksen, well se sech oft zu puer erëmdreiwen, an d’Woll kréien a reegelrecht „boxen“. Dëst sinn awer net just d’Männercher, och d’Weibercher maachen hei mat. Si testen an dëse „Kämpf“ ween de Stäerksten ass.
Randsträifen, wou just ganz spéit oder sporadesch geméint gëtt, ausgestatt sinn.
Mat Ärem Smartphone via d’App iNaturalist* ODER iwwert den Internetsite vun iNaturalist.lu
